உங்கள் Google வரலாற்றை எவ்வாறு நீக்குவது

நீங்கள் இணையத்தில் எதையாவது தேடும் ஒவ்வொரு முறையும் துல்லியமான தகவலை Google எவ்வாறு உங்களுக்கு வழங்குகிறது என்று நீங்கள் எப்போதாவது யோசித்திருக்கிறீர்களா? ஒவ்வொரு தேடலிலும், Google உங்கள் தகவலைச் சேமிக்கிறது, பின்னர் அது தனிப்பயனாக்கப்பட்ட அனுபவங்களை வழங்கப் பயன்படுகிறது.  

ஆனால் இந்த சேகரிக்கப்பட்ட தகவல்கள் அனைத்தையும் நீக்குவதற்கான நேரம் வரக்கூடும். அதிர்ஷ்டவசமாக, உங்கள் Google வரலாற்றை எளிதாக நீக்குவதற்கு வழி உள்ளது. அதைக் கண்டறிய இதைப் படிக்கவும்.

Google ஆப் மூலம் Google தேடல் வரலாற்றை எவ்வாறு நீக்குவது

Android ஸ்மார்ட்போன் அல்லது iOS சாதனத்தைப் பயன்படுத்தி உங்கள் தேடல் வரலாற்றை நீக்க, உங்களுக்கு Google தேடல் ஆப்ஸ் தேவைப்படும். இந்த ஆப்-இல், மேல் வலது மூலையில் உள்ள உங்கள் சுயவிவரப் படத்தைத் தட்டி, தேடல் வரலாறு மெனுவைத் தேர்ந்தெடுக்கவும். 

இதில் நீங்கள் அனைத்தையும் நீக்குக விருப்பத்தைத் தேர்ந்தெடுப்பதன் மூலம் உங்கள் எல்லா தேடல்களையும் ஒரே கிளிக்கில் நீக்க முடியும். ஒரு குறிப்பிட்ட காலகட்டத்தின் வரலாற்றை நீக்க விரும்பினால், ‘தனிப்பயன் வரம்பை நீக்குகுக’ விருப்பத்தைத் தேர்ந்தெடுக்கவும்.

ஒரு குறிப்பிட்ட நாளின் தேடல் வரலாற்றை நீக்க விரும்புபவர்கள், ‘(தேதி) இலிருந்து அனைத்துச் செயல்பாட்டையும் நீக்குக’ என்பதைத் தட்டுவதன் மூலம் நீங்கள் அவ்வாறு செய்யலாம். கூடுதலாக, நீக்கு செயல்பாடு விருப்பத்தைத் தட்டுவதன் மூலம் குறிப்பிட்ட செயல்பாட்டை நீக்குவதற்கான விருப்பத்தையும் நீங்கள் பெறுவீர்கள். 

Chrome உலாவி மூலம் Google தேடல் வரலாற்றை எவ்வாறு நீக்குவது

Google Chrome இலிருந்து Google தேடல் வரலாற்றை நீக்க விரும்பினால், உங்கள் Android மொபைலில் ஆப்-ஐத் திறந்து, மேல் வலது மூலையில் உள்ள செங்குத்து மூன்று புள்ளிகள் ஐகானைத் தட்டவும். iPhone பயனர்கள், திரையின் கீழ் வலதுபுறத்தில் செங்குத்து மூன்று புள்ளிகள் ஐகானைக் காண்பீர்கள். அதில் உள்ள, தேடல் விருப்பத்தைத் தேடி, அதைத் தட்டவும்.  

கிராஸ் ஐகானில் (x) தட்டுவதன் மூலம் ஒவ்வொரு செயல்பாட்டையும் அகற்றலாம். நீங்கள் அனைத்து உலாவல் தரவையும் ஒரே நேரத்தில் அகற்ற விரும்பினால், ‘உலாவல் தரவை அழி’ விருப்பத்திற்குச் சென்று, உலாவல் வரலாறு தேர்வுப்பெட்டியைத் தட்டவும். 

அதுமட்டுமல்ல, குக்கீகள், தேக்ககப் படங்கள் மற்றும் வீடியோக்கள், சேமித்த கடவுச்சொற்கள், தானாக நிரப்பும் படிவத் தரவு மற்றும் தள அமைப்புகளை இங்கிருந்து தனிப்பட்ட தேர்வுப் பெட்டிகளைத் தட்டுவதன் மூலம் அகற்றுவதற்கான தேர்வையும் நீங்கள் காணலாம்.

கணினிகளில் உங்கள் Google வரலாற்றை நீக்குதல்

Windows லேப்டாப், டெஸ்க்டாப், iMac அல்லது MacBooks ஆகியவற்றிலிருந்து Google வரலாற்றை நீக்க, உங்கள் சாதனத்தில் Google Chromeஐத் திறக்கவும். மேல்-வலது மூலையில் உள்ள மூன்று கிடைமட்ட புள்ளிகளைத் தேடவும் (முகவரிப் பட்டிக்கு இணையாக) அதைத் தேர்ந்தெடுக்கவும். வரலாற்று விருப்பத்தின் வலது அம்புக்குறியைக் கிளிக் செய்யவும், ஒரு உரையாடல் பெட்டி திறக்கும். ‘வரலாறு’ விருப்பத்தை மீண்டும் ஒருமுறை தேர்வு செய்யவும், வரலாறு மெனு திறக்கும்.

இதில், நீங்கள் தேதிகளின்படி வரலாற்றை அகற்ற விரும்பினால், ‘தேதியின்படி’ விருப்பத்தைத் தேர்ந்தெடுக்கவும். ஒரு குறிப்பிட்ட தலைப்பில் தொடர்புடைய தேடல்களின் ஒரு பகுதியை நீக்க விரும்புவோர், ‘குழு வாரியானது’ விருப்பத்தைத் தேர்வு செய்யவும். இரண்டு சந்தர்ப்பங்களிலும், மூன்று செங்குத்து புள்ளிகள் ஐகானைக் கிளிக் செய்து, ‘வரலாற்றிலிருந்து அகற்று’ விருப்பத்தைத் தேர்ந்தெடுக்கவும். 

Google வரலாற்றை எவ்வாறு நீக்குவது என்பதற்கான செயற்படிகளை தெரிந்துகொண்டீர்கள், எந்த விட மன அழுத்தமும் இன்றி உங்கள் தனியுரிமையை பாதுகாத்திடுங்கள்.